Kailan Kaya
Kailan kaya mahahanap
ang mga tamang salita
Kailan kaya mabubuo
ang mga nais ipahiwatig
Kailan kaya maiintindihan
itong buhos ng damdamin
Kailan kaya maipapadama
itong mga liham ng sinta
Liham ni Eba
Panandaliang Saya
Nakalaya kang muli
Tila ika'y lumilipad
Ngunit sasapit ang dilim at ito'y magtatapos
Magiging blangko na naman ang lahat
Tila panandaliang saya lamang
Babagsak kang muli
Liham ni Eba
Katotohanan
Biglang napapahinto at natutulala
Kinukwestyon ang sarili at presensya
Katahimikan ang bumabalot sa kapaligiran
Bakit hindi pa rin matahimik ang isipan
Nalilito at nangangamba
Nadarama ay hindi mailahad
Ano na nga ba ang realidad
Ang hirap na makita
Totoo ba ang lahat
Talaga bang nandirito
Panaginip lang ata ito
Pilit naghahanap ng sagot
Pero malamig na hangin ang gigising
Pahiwatig na siya ay kapiling
Siya ang paalala at patutunguhan
Siya na tanging kasagutan at katotohanan
Liham Ni Eba
Ako ang daan, ang katotohanan,
at ang buhay.
Kamusta?
Araw-araw ay puno ng itim na ulap
At ang pakiramdam ay sumisikip
Pasikip nang pasikip
Pahirap nang pahirap
Umiiyak nang bigla
Hanggang wala nang mailuha
Umabot sa blangkong emosyon
Hindi mawari ang tensyon
Sa tuwing aahon ay hindi pa natatapos
Kailan ba ang katapusan nitong agos
Kasi nakakapagod na
Sobrang pagod na
Puno ng mga ano at bakit
Pero heto at kumakapit
Sumusubok at umaasa
Sakit ay iniinda
Siya pa ring tatanggapin
Sarili ay muli't muling iintindihin
Papaniwalaan ang lahat
Pilit magiging sapat
Liham Ni Eba
PS: Ikaw kamusta ka nga bang talaga?
Ala-ala
Hindi na maibabalik
Ang saya nung kapiling kita
Nung nandito ka sa aking tabi
Yung ako nung may tayo pa
Hindi na mangyayari
Wala ka na sa akin
Hanggang ala-ala na lang
Ala-ala ka na lamang
Liham ni Eba
Pagtatapos
Lahat ng naumpisahan kalaunan ay magwawakas
Parang araw na sisikat sa umaga
Ngunit unti-unting maglalaho sa hapon
Pero bawat pagtatapos ay panibagong simula
Tila buwan na siyang lumiliwanag tuwing pagsapit ng dilim
At bukas muling sisikat ang araw
Liham ni Eba
Hantungan
Mahal kita ng lubos
Ngunit ako'y unti-unti nang nauubos
Ayokong bumitaw sa'yo
Pero wala na'kong kakayahan
Ang hirap paniwalaan
Na ito na ang ating hantungan
Liham ni Eba
.png)
